اب بندقوں سے کشمیریوں کی آواز کو دبایا نہیں جاسکتا ‘مریم نواز

PMLN

مظفر آباد جدت ویب ڈیسک پاکستان مسلم لیگ (ن)کے جلسہ سے خطاب کرتے ہوئے مریم نوازنے کہا کہ میں میاں صاحب سے کہہ رہی تھی کہ آپ کے بعد کیسی بات کرسکتی ہوں ٗ ان کے حکم پر بعد میں بات کررہی ہوں ٗ آپ سب کا تہہ دل سے شکریہ ادا کرتی ہوں۔ انہوںنے کہاکہ الیکشن کے بعد آزاد کشمیر کا میرا پہلا دورہ ہے آپ نے آزاد کشمیر کے الیکشن میں نوازشریف پر اعتماد کا اظہار کیا ٗ شیر پر اعتماد کا اظہار کیا جس پر آپ سب کی بہت شکر گزار ہوں ۔مریم نواز نے کہا کہ میاں صاحب کو راستے میں کہہ رہی تھی کہ کشمیریوں نے ایک سیٹ بھی کسی اور کو نہیں دی ۔انہوںنے کہاکہ آج آپ سے بھی مخاطب ہوں اور مقبوضہ کشمیر کے بھائیوں سے بھی مخاطب ہوں ٗ میرا دل آپ کیساتھ بھی دھڑکتا ہے اور اس پار کشمیر میں رہنے والے کشمیریوں کیساتھ بھی دھڑکتا ہے ۔انہوںنے مقبوضہ کشمیر کے کشمیریوں کو مخاطب کرتے ہوئے کہاکہ جب زخم آپ کے جسم پر لگتے ہیں وہ زخم ہمارے دل پر لگتے ہیں ۔مریم نوازشریف نے کہاکہ میں نوازشریف کی بیٹی ہوں نہ صرف میرا دل کشمیر کے ساتھ دھڑکتا ہے بلکہ میری رگوں میں بھی کشمیری خون ہے ۔ہم آزاد کشمیر میں کھڑے ہو کر کشمیر کا دن منا رہے ہیں ٗدعا کریں انشا اللہ وہ دن بھی آئے کہ ہم سرینگر میں غلامی سے نجات کا دن منائیں انشا ء اللہ وہ دن آئیگا وقت بدل گیا ہے اب بندقوں اور گولوں سے کشمیریوں کی آواز کو دبایا نہیں جاسکتا ٗاللہ تعالیٰ ہمارے مقبوضہ کشمیر کے بہن بھائیوں اور بزرگوں کو حفظ و امان میں رکھے ۔

Leave a Reply

Your email address will not be published.