//

دوسرے مرحلے میں کل چھٹی سے آٹھویں تک کی کلاسز کی اجازت: این سی او سی

School Open
School Open

اسلام آباد: جدت ویب ڈیسک :این سی او سی نے کل سے دوسرے مرحلے میں سکولز کھولنے کی اجازت دے دی، کل چھٹی سے آٹھویں کلاسز کا آغاز ہوگا۔ وفاقی وزیر اسد عمر کی زیر صدارت این سی او سی کا اجلاس ہوا جس میں کورونا صورتحال، تعلیمی ادارے مرحلہ وارکھولنے کے فیصلے کا جائزہ لیا گیا۔ این سی او سی میں وفاقی وزارت صحت اور صوبائی محکموں کے اعدادوشمار پر بھی مشاورت کی گئی۔ وزارت تعلیم کے حکام نے بتایا پہلے مرحلے میں کھولے گئے اداروں میں ایس او پیز پر سختی سے عمل جاری ہے، دوسرے مرحلے کے تعلیمی ادارے کھولنے کے لیے تیار ہیں۔ ادھر مراد راس کا کہنا تھا کل چھٹی جماعت سے 8 تک سکول کھول دیے جائیں گے، سکولوں سے کیسز نکلیں گے کیونکہ کورونا ختم نہیں ہوا، سکولوں میں ایس او پیز پر عملدرآمد کرنا ضروری ہے، اگر کورونا کا ایک کیس بھی نکلے گا تو سکول بند کر دیا جائے گا۔ انہوں نے کہا نہیں جانتے سندھ نے کیوں سکول نہ کھولنے کا فیصلہ کیا ہے۔