/

رات میں اگر نیند نہیں آتی تو خاص مشروب پی لیجئے

اگر رات کو بستر پر لیٹنے کے بعد نیند نہیں آتی تو ایک عام مشروب کو پینا عادت بنانا اس مسئلے کا حل ہوسکتا ہے۔

یہ بات چین میں ہونے والی ایک نئی طبی جانچ پڑتال میں سامنے آئی۔

تحقیق کے مطابق رات کو سونے سے قبل ایک گلاس گرم دودھ پینا اچھی نیند کو یقینی بنانے میں مددگار ثابت ہوتا ہے۔

خیال رہے کہ عرصے سے مختلف ممالک میں یہ بات والدین بچوں کو بتاتے آرہے ہیں سونے سے قبل گرم دودھ پینا اچھی نیند کا باعث بنتا ہے اور اب طبی سائنس نے بھی اسے ثابت کیا ہے۔

نیند کے مسائل کے لیے خواب آور ادویات کا استعمال ہوتا ہے مگر اس کے مضر اثرات بشمول یادداشت کی کمزوری، الجھن اور مسل کی کمزوری بھی ہوتے ہیں۔

یہی وجہ ہے کہ قدرتی متبادل تلاش کرنے کے لیے چین کے نیشنل نیچرل سائنس فاؤنڈیشن کے ماہرین نے جانچ پڑتال کی۔

انہوں نے دریافت کیا کہ دودھ پیپ ٹانڈ کا قدرتی ذریعہ ہے جو بالکل اسی طرح غنودگی کو بڑھاتا ہے جس طرح خواب آور ادویات۔

گائے کے دودھ میں ایک امینو ایسڈ ٹرپٹو فان اور دیگر پیپ ٹائڈز موجود ہوتے ہیں جو تناؤ کو کم کرنے کے ساتھ نیند کو یقینی بناتا ہے۔

ان اجزا کے ساتھ ایک انزائمے ٹرائیپسین کے امتزاج سے نیند بڑھانے والے پیپ ٹائڈز بڑھتے ہیں۔

محققین نے ایسے مخصوص پیپ ٹائڈ کو بھی شناخت کیا جو اچھی نیند کے حصول میں مددگار ثابت ہوتا ہے۔

انہوں نے اس مکسچر سے خارج ہونے والے حیاتیاتی خصوصیات کو بھی شناخت کیا جو دودھ کو ہضم ہونے کے دوران خارج کرتے ہیں۔

چوہوں پر آزمائش کے دوران محققین نے دریافت کیا کہ گرم دودھ کو پینے سے وہ 25 فیصد زیادہ جلد سو جاتے ہیں جبکہ ان کی نیند کا دورانیہ بھی 400 فیصد زیادہ بہتر ہوتا ہے۔اس تحقیق کے نتائج جریدے جرنل آف ایگریکلچرل اینڈ فوڈ کیمسٹری میں شائع ہوئے۔

Foodie Fox on Twitter: "#WorldMilkDay Milk is beneficial in so many ways,  from being good for health to being used as an active ingredient in so many  beauty practices! Here are the