#SmallestPlanet #Solarsystem

نظامِ شمسی کا سب سے دور چھوٹا سیارہ دریافت

/

ہوائی:جدت ویب ڈیسک: جس کا قطر صرف 400 کلومیٹر کے لگ بھگ ہے۔ سورج سے اس کا موجودہ فاصلہ تقریبا 20 ارب کلومیٹر، یعنی زمین کے مقابلے میں 132 گنا زیادہ ہے اور اسی وجہ سے سائنسدانوں نے اسے فار فار آٹ یعنی دور، بہت دور کا نام دیا ہے۔

اس وقت نظامِ شمسی میں دیگر دور ترین فلکی اجسام میں فار آٹ کا سورج سے فاصلہ 124 فلکیاتی اکائیوں جتنا اور گوبلن کا فاصلہ 80 فلکیاتی اکائیوں کے برابر ہے؛ لیکن سائنسدانوں نے حساب لگایا ہے کہ ان میں گوبلن کا مدار سب سے بڑا ہے اور سورج سے اس کا زیادہ سے زیادہ فاصلہ 2300 فلکیاتی اکائیوں تک پہنچ سکتا ہے۔ماہرینِ فلکیات نے اندازہ لگایا ہے کہ فار فار آٹ اور نیپچون کے مدار ایک دوسرے سے قریب آتے رہتے ہیں اور شاید یہی وجہ ہے کہ فار فار آٹ کا مدار اتنا زیادہ لمبوترا اور بیضوی ہوگیا ہے۔
اسے 2018 میں یونیورسٹی آف ہوائی کی رصدگاہ سے دریافت کرنے کے بعد ماہرینِ فلکیات نے 2018 اے جی 37 کا عارضی نام دیا تھا، لیکن تب انہیں بھی معلوم نہیں تھا کہ سورج سے اس کا فاصلہ کتنا ہے کیونکہ آسمان میں اس کی جگہ بہت آہستگی سے تبدیل ہورہی ہے۔
مختلف دوربینوں سے دو سال تک اس کا محتاط مطالعہ کرنے کے بعد سائنسدانوں پر انکشاف ہوا کہ سورج سے اس کا موجودہ فاصلہ 132 فلکیاتی اکائیوں جتنا (تقریبا 20 ارب کلومیٹر) ہے۔
واضح رہے کہ زمین اور سورج کے اوسط درمیانی فاصلے کو ایک فلکیاتی اکائی کہا جاتا ہے جو تقریبا 15 کروڑ کلومیٹر فاصلہ بنتا ہے۔اب تک کی تحقیق سے فار فار آٹ کے بارے میں مزید یہی معلوم ہوسکا ہے کہ سورج کے گرد اس کا مدار انتہائی بیضوی (کسی لمبوترے انڈے جیسا) ہے۔یہی وجہ ہے کہ اس کا سورج سے زیادہ سے زیادہ فاصلہ 175 فلکیاتی اکائیوں جتنا، جبکہ کم سے کم فاصلہ صرف 27 فلکیاتی اکائیوں جتنا رہ جاتا ہے، جو سیارہ نیپچون اور سورج کے درمیانی فاصلے سے بھی کم ہے۔واضح رہے کہ سورج سے پلوٹو کا زیادہ سے زیادہ فاصلہ 49 فلکیاتی اکائیوں جتنا ہوتا ہے۔فار فار آٹ پر مزید تحقیق ابھی جاری ہے، جس کے بعد اس کی مزید خصوصیات پر بھی روشنی ڈالی جاسکے گی۔ تاہم اس میں مزید کچھ سال لگ جائیں گے۔اس کے بعد ہی اسے کوئی باقاعدہ نام دیا جائے گا۔

Leave a Reply

Your email address will not be published.

Previous Story

کراچی: مویشیوں کا بیوپاری اپنی جمع پونجی سے محروم

Next Story

پاکستان میں پہلی بار پی ٹی سی ایل گروپ کا کامیاب فائیو جی تجربہ

Latest from اہم خبریں