ہر میچ میں اچھی کار کر دگی سے میرے اعتماد میں اضافہ ہورہاہے،حسن علی

Hasan Ali Pakistani Cricketer
Hasan Ali Pakistani Cricketer

ہرارے جدت ویب ڈیسک:قومی کرکٹ ٹیم کے باؤلر حسن علی نے کہاہے کہ ہر میچ میں اچھی کار کر دگی سے میرے اعتماد میں اضافہ ہورہاہے،شاہین شاہ آفریدی کے ساتھ بولنگ کرتے ہوئے ہمیشہ ہی بہت لطف اندوز ہوتا ہوں،خود پر ہونے والی تنقید کا برا نہیں مناتا، مثبت انداز میں لیتا ہوں۔

ہرارے ٹیسٹ کے پہلے روز کا کھیل ختم ہونے کے بعد میڈیا کانفرنس میں حسن علی نے کہا کہ ہرمیچ میں اچھی کارکردگی سے میرے اعتماد میں اضافہ ہورہا ہے،میں شاہین شاہ آفریدی کے ساتھ بولنگ کرتے ہوئے ہمیشہ ہی بہت لطف اندوز ہوتا ہوں۔

ایک اینڈ پر نوجوان پیسر ایکشن میں ہوں اور دوسرے پر مجھے بولنگ کا موقع ملے تو اچھا کمبی نیشن بن جاتا ہے، شاہین کے ساتھ کامیاب جوڑی پہلے سے بن چکی، وہ بہت پرجوش اور باکمال بولر ہیں، میری دعا ہے کہ ٹیسٹ میچ میں سب سے زیادہ وکٹیں لینے کا سنگ میل بھی عبور کریں۔

حسن علی نے کہا کہ ہرارے کی پچ سلو ہے، پہلی اننگز میں اچھی سبقت لینے کے بعد ہماری کوشش ہوگی کہ دوسری باری میں بھی حریف بیٹسمینوں کو جلد آؤٹ کریں،میں ون ڈے اور ٹی ٹوئنٹی فارمیٹ کے بعد ٹیسٹ میں اچھی بولنگ کرنے میں کامیاب ہوا جس پر اللہ تعالیٰ کا شکر گزار ہوں،میں خود پر ہونے والی تنقید کا برا نہیں مناتا، اس کو مثبت انداز میں لیتا ہوں تاکہ کھیل میں مزید نکھار لاکر توقعات پر پورا اترسکوں۔

انھوں نے کہا کہ وقاریونس میرے رول ماڈل ہیں، ان سے بہت کچھ سیکھنے کا موقع ملا، اننگز کے آخری اووز میں یارکرز کرنا سب کو آتا ہے،ہم سلو بال بھی کرنے میں مہارت رکھتے ہیں، سب میچ کی صورتحال اور ٹیم پلان کے مطابق بولنگ کرنے کی کوشش کرتے ہیں۔

حسن علی نے کہا کہ میں بطور بیٹسمین بھی پاکستانی کی جیت میں اہم کردار ادا کرنا چاہتا ہوں،ہرارے ٹیسٹ میں موقع ملا تو رنز بنانے کی کوشش کروں گا،میں ایک آل راؤنڈ کے طور پر اپنی پہچان بنانے کیلئے پر عزم ہوں۔

Leave a Reply

Your email address will not be published.