اجے دیوگن نے ابھی تک کاجول کی کونسی فلم نہیں دیکھی؟ اور کیوں ؟

جدت ویب ڈیسک ::بالی وڈ اسٹارز کاجول اور شاہ رخ خان کی 1995 میں ریلیز ہونے والی مشہورِ زمانہ فلم ‘دل والے دلہنیا لے جائیں گے’ (ڈی ڈی ایل جے) کس نے نہیں دیکھی ہوگی، لیکن کاجول کے شوہر اجے دیوگن ایک ایسے انسان ہیں، جنہوں نے اب تک یہ فلم نہیں دیکھی اور اس کی اُن کے پاس ایک وجہ بھی ہے۔
ایک حالیہ انٹرویو میں کاجول بھی اس بات کا اعتراف کرچکی ہیں کہ ‘اجے اور شاہ رخ دوست نہیں ہیں، لیکن اس کا یہ مطلب نہیں ہے کہ وہ ایک دوسرے کے دشمن ہیں’۔
ان کا مزید کہنا تھا کہ ‘اگر وہ ایک ساتھ پارٹی نہیں کرتے یا سیلفیز نہیں لیتے تو اس کا یہ مطلب نہیں ہے کہ وہ ایک دوسرے سے نفرت کرتے ہیں یا ایک دوسرے کی برائیاں کرتے ہیں’۔
ساتھ ہی انہوں نے کہا، ‘شاہ رخ خان میرے بہت اچھے دوست ہیں، لیکن میں نے اپنی دوستیاں کبھی اجے دیوگن پر مسلط نہیں کیں اور نہ ہی انہوں نے کبھی ایسا کیا’۔
اگر کام کے حوالے سے بات کی جائے تو کاجول اپنی فلم ‘ہیلی کاپٹر’ میں مصروف ہیں، شاہ رخ خان اپنی فلم ‘زیرو’ میں نظر آئیں گے، جس میں وہ ایک بونے شخص کا کردار نبھائیں گے جبکہ اجے دیوگن فلم ‘تانا جی: دی اَن سنگ واریئر’ میں مصروف ہیں،ادتیہ چوپڑا کی ہدایات میں بننے والی اس فلم نے اپنی ریلیز کے وقت باکس آفس پر تباہی مچادی تھی اور 100 کروڑ روپے سے زائد کا بزنس کیا تھا۔
دکن کرونیکل کی رپورٹ کے مطابق کاجول کا کہنا ہے، ‘ہاں! یہ میری وہ فلم ہے، جو اجے نے ابھی تک نہیں دیکھی۔ میں نے بہت مرتبہ ان سے یہ سوال پوچھا ہے لیکن انہوں نے مجھے کبھی کوئی تسلی بخش جواب نہیں دیا۔’کاجول نے مزید بتایا، ‘اجے نے مجھے کہا کہ اس کی ایک وجہ ہے، لیکن میں وہ تمہیں نہیں بتاؤں گا۔ ساتھ ہی کاجول نے صحافیوں سے کہا کہ ‘اگلی مرتبہ جب آپ کا اجے دیوگن سے ٹاکرا ہو تو اُن سے یہ سوال ضرور کریں اور پھر مجھے بھی بتائیں کہ انہوں نے ابھی تک ڈی ڈی ایل جے کیوں نہیں دیکھی؟  اجول کا مزید کہنا تھا، ‘فلم ‘دل والے دلہنیا لے جائیں گے’ کو دیکھ کر بہت سے جوڑوں نے اُسی انداز میں شادی کا فیصلہ کیا تھا، جبکہ وہ لوگ جن کی دوستی تھی، وہ بھی اس رومانٹک فلم سے اتنا متاثر ہوئے کہ انہوں نے بھی شادی کے بندھن میں بندھنے کا فیصلہ کیا۔’۔واضح رہے کہ اجے دیوگن کے حوالے سے مشہور ہے کہ ان کی ڈی ڈی ایل جے میں کاجول کے ہیرو شاہ رخ خان سے کچھ زیادہ بنتی نہیں ہے۔

Image result for dilwale dulhaniya

Image result for dilwale dulhaniya

Leave a Reply

Your email address will not be published.