ملکی اور غیر ملکی فنکاروں کی عالم اسلام کو رمضان المبارک کی مبارکبار

Pakistani and International Actor Wishes Ramadan
Pakistani and International Actor Wishes Ramadan

کراچی: جدت ویب ڈیسک:ملکی اور غیر ملکی فنکاروں نے اُمت مسلمہ کو رمضان المبارک کی مبارکبار دی، پاکستانی فنکاروں ہمایوں سعید، فیصل قریشی، ایمن خان، منال خان، فیروز خان، ماورا حسین، عروہ حسین و دیگر فنکاروں نے تمام لوگوں کو رمضان کی مبارکباد دی۔

ہمایوں سعید نے ٹوئٹر پر لکھا اللہ ہم سب کو اپنی لاتعداد رحمتوں سے نوازے، ہماری دعائیں اور نیک اعمال قبول فرمائے اور ہمارے گناہوں اور کوتاہیوں کو معاف کرے۔ فہد مصطفیٰ نے تمام لوگوں کو پہلی سحری کی مبارکباد دی۔ اداکارہ منال خان نے رمضان کریم کو سال کا سب سے بہترین وقت قرار دیا اور دعا کی کہ خدا ہم سب پر اپنی رحمت برسائے رکھے آمین۔

ترک فنکاروں نے بھی آمد رمضان کے موقع پر تمام امت مسلمہ کو مبارکباد دی۔ ترکش اداکاراینگن التان دزیاتن نے انسٹااسٹوری پر لکھا دنیا بھر میں موجود میرے تمام بھائیوں اور بہنوں کو رمضان مبارک۔ ترک اداکارہ گلثوم علی نے بھی رمضان کی مبارکباد دی۔

اس کے علاوہ ”دیریلش ارطغرل“ میں ابن العربی کا کردار ادا کرنے والے ترک اداکار عثمان سر گڈ نے بھی رمضان کی مبارکباد دی۔ بالی ووڈ کے شہنشاہ امیتابھ بچن ہر سال امت مسلمہ اور اپنے مسلم مداحوں کو رمضان مبارک کا پیغام دیتے ہیں۔

گزشتہ روز بھی انہوں نے ٹوئٹر پر تمام مسلمانوں کو رمضان کی مبارکباد دی۔ امیتابھ بچن کے علاوہ بھارتی اداکار فرحان اختر، دیا مرزا، زرین خان، ثنا خان، عمران ہاشمی، ہماقریشی، حنا خان، سونم کپوراور ہنسیکا موٹوانی نے بھی رمضان کی مبارکباد دی۔

Leave a Reply

Your email address will not be published.