سری لنکا کیخلاف سیریز نوجوان کھلاڑیوں کا امتحان ہے ، رمیزراجہ

ابو ظہبی ،اسلام آباد جدت ویب ڈیسک قومی ٹیم کے سابق کپتان اور مشہور کمنٹیٹر رمیز راجا نے کہا ہے کہ سری لنکن ٹیم میں پہلے جیسا دم خم نہیں رہا اس لیے پاکستان کے پاس بلا کسی خوف و دبا نوجوان کھلاڑیوں کی صلاحیتوں کا امتحان لینے کا بہترین موقع ہے۔ایک انٹرویو میں انہوں نے کہا کہ سری لنکن ٹیم اس وقت مشکلات کا شکار ہے، حال ہی میں اسے پہلے زمبابوے کے ہاتھوں ٹیسٹ میچ میں شکست کا سامنا کرنا پڑا اور بعدازاں بھارت نے اسے عبرتناک شکست سے دوچار کیا، گرین شرٹس کے پاس اس پر دبا بڑھا کر سیریز جیتنے کا سنہری موقع ہے۔تاہم انہوں نے ٹیم کو خبردار کیا کہ انہیں ہدف کے حصول کیلئے جارحانہ حکمت عملی اپنانا ہو گی اور ہماری ٹیم کو چاہیے کہ وہ کسی بھی سیشن میں حریف ٹیم کو سیٹل ہونے کا موقع نہ دیں۔انہوں نے اس سیریز کو نوجوانوں کیلئے بہترین موقع قرار دیتے ہوئے کہا کہ نوجوان کھلاڑیوں کے پاس بھرپور موقع ہے کہ وہ کمزور حریف کے خلاف سیریز میں عمدہ پرفارم کر کے خود کو یونس خان اور مصباح الحق کا متبادل ثابت کریں۔سابق کپتان اور مایہ ناز کمنٹیٹر نے کہا کہ ٹیسٹ ٹیم کی قیادت سرفراز کیلئے چیلنجنگ ہو گی تاہم مجھے پوری امید ہے کہ وہ اپنی لیڈرشپ سکلز کی بدولت اس امتحان میں بھی سرخرو ہوں گے۔

Leave a Reply

Your email address will not be published.