سمندری طوفان ماریا ڈومینیکونے ساحلی علاقوں میں تباہی مچادی، شدت میں اضافے کے بعد یہ طوفان کیٹگری فائیو میں تبدیل

جدت ویب ڈیسک :پورٹوریکو : سمندری طوفان ماریا ڈومینیکوکے ساحلی علاقوں سے ٹکرانے کے بعد اب پورٹوریکو کا رخ کر رہا ہے، شدت میں اضافے کے بعد یہ طوفان کیٹگری فائیو میں تبدیل ہوچکا ہے۔تفصیلات کے مطابق طوفان ارما کے بعد اب طوفان ماریا نے مختلف علاقوں کا رخ کرلیا ہے، ڈومینیکوکے ساحلی علاقوں سےٹکرانے کے بعد اب طوفان ماریا پورٹوریکو کی جانب بڑھ رہاہے، شدت میں اضافے کے بعد یہ طوفان کیٹگری فائیو میں تبدیل ہوچکا ہے۔طوفانی ہواؤں، شدید بارشوں نے فلوریڈا کے ساحلی علاقوں کو تہس نہس کر دیا تھا، مکانوں کی چھتیں اڑ گئیں، درخت جڑوں سے اکھڑ گئے، ساٹھ لاکھ سے زائد صارفین بجلی سے محروم ہوگئے تھے ، جس کے بعد ریاست فلوریڈا کو آفت زدہ قرار دے دیا گیا تھاپورٹوریکو میں طوفان سے قبل حفاظتی انتظامات مکمل کر لئے گئے ہیں، پیڑول اسٹیشن پر گاڑیوں کی طویل قطاریں لگ گئی ہے جبکہ بڑے پیمانے پر ضروری اشیائے ضرورت کی خریداری کے باعث اسٹورز خالی ہوگئے۔ہری کین سینٹر کا کہنا ہے طوفان ماریا کے دوران ایک سوساٹھ میل فی گھنٹہ کی رفتارسے ہوائیں چلیں گی اور شدید بارش کی توقع ہے۔طوفان ماریا کے کیریبین سے ٹکرانے کا بھی امکان ہے۔یاد رہے گذشتہ ہفتے سمندری طوفان ارما بھی کیٹگری فائیو کا تھا ، جس نے کیریبیئن جزائر، کیوبا اور امریکی ریاست فلوریڈا کے ساحلی علاقوں میں تباہی مچادی تھی جبکہ ارما ہلاک افراد کی تعداد چالیس تک جا پہنچی تھی۔

 

Leave a Reply

Your email address will not be published.